[@WAFA@]

لا ردك الله لا ولا اطلب ترديــن ......ادعي عليك بعثرة فـي صلاتـــــــي
عثره تشلك ما بعدها تقوميـن ......يا قاتلتني يوم صرتي حياتــــــــي
خدان لك بالقلب كانت بساتين ......وريضان وغصونا بها يانعاتـــــــي
كنتي مناة القلب والروح والعين ....واليوم عينك يعلها ما تباتـــــــــي
كنت أحسبك للعهد والحب توفين ..قلتي الغدر بالحب ماهي بسواتــي
وحلفتي يمين الله ما منك اثنتين.......وانك ملاك دون كل البناتـــــــي
وانك على عهد المودة تسيرين ....ولا تسمعين أهل الحسد والوشاتـي
وصار اليمين ستار خلفه توارين .......ورماح غدرك بالخفا مشرعاتـــي
وبان الغدر سم جرى بالشرايين ......الله عسى يسقيك سم الفعاتــــي
كلي سقيتك حب واليوم تنسيـن........تقولين حلم ايام واليوم فاتــــــي
خذتي الهوى لعبه على ما تحبين ......لين عصفت بالهوى عاصفاتـــي
من زينك يا بنت بالشعر تزيين ............ من صورك بابياته الطايلاتـــي
انا من غرامي قلت كانك تذكرين ...... قلت الخجل صاب البدر من مناتـي
وصرتي بشعري في العذاري تباهين.تقولين انا شمس العصر في حلاتي
زينتك بشعري ولا غربك الزين ..........ما زانتك صبغات حمر الشفاتــــي
صورتك بالشعر حزام ورياحين .......واثرك هضاب وشوك ما به هداتـي
رسمتك سحابه خير قطر تنفين .........فزت لك الصحراء زهور ونباتـــي
رسمتك مهاه للجميله تقودين .............واثرك قطيعه وضيعتها الرعاتـي
واثرك غراب يوم سدل الجناحين ......كنت احسب اني شايف لي قطاتي
بالشعر غليتك على كل غاليين ...........واثرك دنيه وتعشقين الدناتـــي
وبالشعر عاتبتك عتاب المحبين .........انا من يسوم الروح لك يا غناتـي
توسلت لك خايف على حب عامين .......عامين لكن في حسابي مئاتــي
ناديت لكن لي ابد ما تسمعين ...........عمري وروحي فكري في ثباتي
حذراك للشينات عمري تماشين ............عديمات اصل اخلاقهن دانياتي
غاب الولي عنهن ولعبن بحبلين ................يا خس واليهن وخس الولاتي
ما همهن في الناس زين ولا شين ...........وقلوبهن من حقدهن مظلماتي
وقلتي وربك لو يكونا ملايين ..............ما غيرن بالطباعهن من سماتي

الموضوع الأصلي: قمه في عزه النفس | الكاتب: @WAFA@ | المصدر:

ألواننا الحلوة

مواضيع، أناشيد ، مسرحيات ، قصص ، تغطيات

[دانة عمان]

هذا من ايدك ولا منقول عشان اعطيك رايي

[بومبارك]

مشكورة اختي على القصيدة

[@WAFA@]

ثانكيوووووووووووو

بس هذا مو من ايدي اخذتها من مجله قصــــــــــــــــــــــــــــــايد لشاعر سعودي مو معروف (مايذكرني اسمه للاسف)

[وهج المشاعر]

قصيدة رائعة بكل ما تحمله الكلمة من معاني
اعجبتني بقوة معانيها و احساسها

صح لسان شاعرها
وتسلم يمين ناقلها

[@WAFA@]

ثانكيو وهح المشاعر نورت الصفحه